Distret sociosanitari dal Agri Aquileiês: cessazion dal dot. Ahadji Kodzo Amegbo; al vierç l'ambulatori di assistence primarie
joibe 17 di Lui dal 2025
A Çarvignan, dal prin di Avost indenant
Dal 1n di Avost dal 2025 il dot. Ahadji Kodzo Amegbo al finìs di lavorâ (ultin dì di lavôr ai 31 di Lui dal 2025).
Cun dut che a son stadis fatis plui ricercjis, pal moment no si à rivât a cjatâ un miedi disponibil par fâ di suplent.
Par podê garantî in ogni câs la assistence sanitarie di base ai pazients che a restaran cence miedi, la Direzion dal Distret dal Agri Aquileiês e metarà in vore dal 1n di Avost un ambulatori distretuâl di assistence primarie a Çarvignan li de sede di vie Trieste n. 75, al prin plan.
L'ambulatori al sarà gjestît di un miedi libar professionist colaboradôr de ASUFC, che al rispuindarà al numar 333 3754527.
L'ambulatori al sarà viert cun chescj oraris:
- domandis telefonichis: dal lunis al vinars des 8:00 aes 09:30
- domandis di prescrizions: di lunis, miercus e vinars des 9:30 aes 10:15
- visitis in ambulatori: daûr apontament di lunis, miercus e vinars des 10:15 aes 12:30; di martars e di joibe des 14:30 aes 18:00.
Lis visitis a domicili a vegnin garantidis in mût alternât tes fassis oraris dal dopomisdì o de buinore.
Pal moment no risultin puescj disponibii cui miedis che a son in ativitât ore presint ta chest ambit o tai ambits dongje: si consee di domandâ in maniere periodiche tai uficis de anagrafe distretuâl par viodi se a son puescj libars.
Si pues consultâ di bessôi il portâl Sesamo, che al propon ducj i miedis di assistence primarie in ativitât e disponibii tal moment che si dopre il servizi e tal ambit li che al à la residence cui che al fâs domande.