Distret sociosanitari de Cjargne: trasferiment sede ambulatori dai Miedis di Valade e dal Servizi di Continuitât Assistenziâl

La Direzion dal Distret sociosanitari de Cjargne e informe che joibe ai 9 di Avrîl l'ambulatori dai Miedis di Valade e il Servizi di Continuitât Assistenziâl (ex Vuardie Mediche) a saran trasferîts a Tumieç de sede atuâl in vie Morgagni n. 18 ae gnove sede dal Distret Sociosanitari logade a Tumieç in vie Carnia Libera 1944 n. 29.

I servizis a saran atîfs in maniere regolâr te gnove sede cun joibe ai 9 di Avrîl, cence variazions tai recapits telefonics di riferiment:

• Ambulatori dai Miedis di Valade 3483614110 o 3669624516
• Servizi di Continuitât Assistenziâl (ex Vuardie Mediche) 0433 4881

La Direzion si scuse pai eventuâi discomuts che a podaran sucedi.