Distret sociosanitari de Cjargne: gnûf miedi di medisine gjenerâl
joibe 6 di Març dal 2025
Di lunis ai 3 di Març e sarà operative la dotore De Caneva
La Direzion dal Distret de Cjargne e vise che a tacâ di lunis ai 3 di Març al sarà operatîf un gnûf miedi di medisine gjenerâl, la dotore Erica De Caneva, cun incarghe a timp determinât e ambulatori a Tumieç in vie Matteotti.
La dotore De Caneva e ricevarà daûr apontament cun chescj oraris:
- lunis des 15.30 aes 18.30
- martars des 9.00 aes 12.00
- miercus des 15.00 aes 18.00
- joibe des 9.00 aes 12.00
- vinars des 14.00 aes 16.00
- sabide des 8.00 aes 10.00 (disponibile par telefon)
Si podarà contatâ il miedi:
- ae direzion di pueste eletroniche: studiomedicodecaneva@gmail.com
- al numar 3335704125
La fasse orarie dedicade aes telefonadis e je dal lunis al vinars des 8.00 aes 9.00 Fûr di chest orari, il miedi al sarà di clamâ dome tal câs di dibisugne pardabon urgjente. No si tignarà cont dai messaçs sms e WhatsApp.
I citadins che a vuelin sielzi chest gnûf miedi a podaran fâ domande tacant di lunis ai 3 di Març cun chestis modalitâts:
- midiant dal portâl SESAMO par cui che al à la tessare CRS ativade (tessare sanitarie eletroniche) e il letôr Smart Card o SPID
- mandant il modul (che si pues discjamâ da pît di cheste pagjine) compilât e firmât e i documents di identitât di cui che al fâs la domande a cheste direzion di pueste eletroniche: anagrafe.tolmezzo@asufc.sanita.fvg.it
Se il modul nol è compilât in maniere complete, nol è firmât o al mancje il document di identitât, la domande e sarà refudade.
- lant tai Sportei de Anagrafe Sanitarie di Tumieç, dal lunis al vinars, des 8:30 aes 12:00. Dal lunis ae joibe dopomisdì l'acès ai sportei al è daûr apontament, clamant prime il numar 0433462421.