"Fruts e gjenitôrs insiemi": gnove edizion dal progjet par fruts dai 3 ai 36 mês tal teritori de Cjargne

E scomençarà ai 30 di Setembar cu ven la gnove edizion dal progjet "Fruts e gjenitôrs insiemi", indreçât ai fruts dai 3 ai 36 mês e aes lôr fameis e promovût dal Servizi Sociâl dai Comuns dal Ambit Teritoriâl Cjargne e inmaneât de Cooperative Itaca.
Il progjet, atîf dal 2001 cul proposit di ufrî aes fameis moments di condivision de esperience di jessi gjenitôrs, al met a disposizion sulun spazi e un timp une vore interessant e util sul plan uman e relazionâl, che al vûl acompagnâ  la cressite dai gjenitôrs e chê dai lôr frutins.
 Tai incuintris dal progjet, di fats, si podarà condividi, cu la mediazion e la facilitazion des educadoris de Cooperative Itaca, la aventure dal jessi gjenitôrs midiant dal incuintri e dal confront cun altris fameis intant che i fruts a podaran zuiâ, sperimentâ gnovis ativitâts, socializâ (cemût che al è pussibil a chê etât) e esplorâ in autonomie l'ambient intun puest fat su misure par lôr. 

I incuintris

I incuintris  si fasaran tal Centri pes fameis de Cjargne in vie G. Matteotti 5/I a Tumieç tes datis e tai oraris chi sot:

• pes fameis cun fruts dai 3 ai 18 mês cun orari des 16.30 aes 18.30:
• Martars ai 7 di Otubar dal 2025
• Martars ai 21 di Otubar dal 2025
• Martars ai 4 di Novembar dal 2025
• Martars ai 25 di Novembar dal 2025
• Martars ai 9 di Dicembar dal 2025
• Martars ai 16 di Dicembar dal 2025
• pes fameis cun fruts dai 19 ai 36 mês cun orari des 16.30 aes 18.30:
• Martars ai 30 di Setembar dal 2025
• Martars ai 14 di Otubar dal 2025
• Martars ai 28 di Otubar dal 2025
• Martars ai 18 di Novembar dal 2025
• Martars ai 2 di Dicembar dal 2025
• Martars ai 16 di Dicembar dal 2025

A son previodûts ancje trê incuintris a matine cun ingrès libar par fameis cun fruts dai 3 ai 36 mês tes joibis ai 16 di Otubar, ai 13 di Novembar e ai 11 di Dicembar cun orari 9.30 - 11.30.

Ogni incuintri al sarà organizât in cheste maniere:

• un moment iniziâl, dedicât al bon acet e ae mirinde (che e sarà puartade des educadoris)
• un moment centrâl, dedicât al confront e ae condivision tra  adults presints  e cun spazis dedicâts aes ativitâts e ai zûcs ideâts pai fruts
• un moment finâl, cuant che si tornarà a pensâ a ce che si à vivût  tal incuintri par dopo saludâsi

Cemût notâsi

Par domandâ informazions e par notâsi si à di contatâ, par telefon o vie email, la educadore coordenadore dal Centri pes Fameis de Cjargne Sara Burba a chescj recapits:

• telefon 3276122795
• mail: centrofamigliecarnia@itaca.coopsoc.it 

Par partecipâ al progjet si à di  notâsi dentri di vinars ai 26 di Setembar dal 2025. Al è pussibil notâsi fin al esauriment dai puescj. La partecipazion al progjet e je sore nuie.