Campagne di vacinazions cuintri de Encefalite di Cecje (TBE) e dal Herpes Zoster (HZ)
Tes sedis di Dimpeç, Davâr e Paluce
Si informe che il Servizi Vacinazions di Tumieç, dal Dipartiment di Prevenzion di ASUFC, al organizarà tai ambulatoris vacinâi dai Ponts Salût Teritoriâi di Paluce, Davâr e Dimpeç une ufierte straordenarie sul puest di apontaments pes vacinazions, dedicade ae popolazion residente che a 'nd à dirit, cuintri de TBE e dal Herpes Zoster.
Lis zornadis a saran chês chi sot:
- Dimpeç: ai 24 di Fevrâr e ai 28 di Avrîl
- Paluce: ai 3 di Març e ai 5 di Mai
- Davâr: ai 20 di Març e ai 15 di Mai
Lis clamadis pe vacinazion cuintri dal Herpes Zoster a saran fatis in automatic midiant di une letare individuâl a ducj i residents nassûts tal 1961.
Lis vacinazions cuintri de TBE invezit a saran fatis su prenotazion e cui che al è interessât al varà di contatâ il centralin dal Servizi Vacinazions di Tumieç, te fasse orarie dedicade:
- 0433 488434
- Joibe des 11:00 aes 13:00
- Zornadis di ativazion dal centralin: dai 2 di Fevrâr ai 30 di Avrîl.
Par altris informazions si pues contatâ il Servizi Vacinazions midiant di:
- email: vaccinazioni.tolmezzo@asufc.sanita.fvg.it
- Telefon: 0433 488434 (lunis des 9:00 aes 12:00)
- Viert al public: miercus des 12:00 aes 13:00
Si invidin i utents a rispietâ lis modalitâts di prenotazion indicadis e a presentâsi tai oraris fissâts par vacinâsi, puartant cun se il libret des vacinis (se si lu à).