E tache la campagne vacinâl cuintri dal COVID-19
martars 15 di Otubar dal 2024
Dai 14 di Otubar
Dai 14 di Otubar e tache la campagne vacinâl cuintri dal COVID-19 cuntune gnove vacine inzornade ae variante JN.1.
Come che al à indicât il Ministeri pe Salût, il riclam de vacine al podarà jessi soministrât a ducj chei che lu domandaran, tacant dai 6 mês di etât, ma al è racomandât massime par chestis categoriis:
- fruts dai 6 mês insù che a presentin cundizions di fragjilitât che ju esponin al disvilup di formis di infezion di SARS-CoV-2 plui griviis;
- adults che a presentin cundizions di fragjilitât che ju esponin al disvilup di formis di infezion di SARS-CoV-2 plui griviis;
- residents tes struturis sociosanitariis;
- personis dai 60 agns finîts insù;
- feminis in gravidance, latoanis o che a son daûr a latâ;
- operadôrs sanitaris e sociosanitaris;
- familiârs o badants (care-giver) di personis cun fragjilitâts.
Si pues vacinâsi:
- li dal propri miedi di medisine gjenerâl (se al partecipe ae campagne di vacinazion)
- tes sedis vacinâls dal Dipartiment di prevenzion ASUFC (Udin, Tarcint, Cividât, Tumieç, San Denêl, Codroip, Tisane, Palme), cuntune prenotazion di fâ tes solitis manieris (call center, CUP, farmaciis)
- Tes farmaciis che a partecipin ae campagne vacinâl dome par cualchi categorie di sogjets (no pes personis cun patologjiis cronichis)