E tache la gnove campagne vacinâl antiCOVID 2023-24
joibe 5 di Otubar dal 2023
Il riclam de vacine al podarà jessi soministrât a ducj chei che lu domandaran, tacant dai 6 mês di etât, ma al è racomandât massime par chestis categoriis:
- fruts dai 6 mês di etât insù che a presentin cundizions di fragjilitât che ju esponin al disvilup di formis di infezion di SARS-CoV-2 plui griviis;
- adults che a presentin cundizions di fragjilitât che ju esponin al disvilup di formis di infezion di SARS-CoV-2 plui griviis;
- residents tes struturis sociosanitariis;
- personis dai 60 agns insù (ven a stâi tacant dal an di nassite 1963);
- feminis in gravidance, latoanis o che a son daûr a latâ;
- operadôrs sanitaris e sociosanitaris;
- familiârs o assistents di famee (badants) di personis cun fragjilitâts.
Par chestis categoriis e je racomandade ancje la vacine cuintri de influence, che si podarà fâ adun cu la vacine antiCOVID-19 dai 16 di Otubar indenant.
La vacine pes categoriis “fruts 5 -11 agns” e “adults cun plui di 12 agns” si pues prenotâ dai 29 di Setembar cu lis modalitâts di simpri (call center, CUP, webapp, farmaciis).
Invezit, la vacine pai fruts dai 6 mês ai 4 agns e sarà a disposizion dopo dai 10 di Otubar.