Campagne informative sui pericui dal ûs des mascarutis “snorkeling full face”
Campagne informative sui pericui dal ûs des mascarutis “snorkeling full face”
Lis mascarutis snorkeling full face a son prodots che si cjatin in vendite cun facilitât in diviers puescj.
A àn la carateristiche di taponâ dute la muse e di no vê bocâl. Il fat di doprâlis al compuarte pericui, massime pai fruts sot dai sîs agns. Par chest, la etichete e à di ripuartâ informazions specifichis par doprâlis in maniere corete.
Chestis mascarutis, pai fruts, soredut chei plui piçui, a puedin causâ ipossie (mancjance di ossigjen) o influî su la capacitât polmonâr di cui che lis dopre.
Tal 2023 al è stât difondût un alerte europeane ex RAPEX - vuê Safety Gate - (Submission DE/04954/23; Case EM/00001/23) par cheste tipologjie di mascarutis dopo che un frut al è muart par vie de mancjance di ossigjen causade de mascarute.
Al è util segnalâ il studi che al è rivât dal Dipartiment di Pediatrie dal dell’IRCCS Burlo Garofolo di Triest che al descrîf in maniere detaiade il probleme su cualchi câs di frut sot dai sîs agns curât tal ospedâl.
Par chescj motîfs, cuant che si doprin lis mascarutis snorkeling full face si invidin i gjenitôrs e i caregivers di frutis e fruts a meti in pratiche cun grande atenzion lis indicazions ripuartadis su lis confezions dai produtôrs.
Dut câs, a son imprescj che no àn di jessi doprâts di frutis e fruts cun mancul di sîs agns.