Avîs public pal supuart aes fameis in cundizions di disavantaç pal acès ai servizis pe prime infanzie leât ai finanziaments dal Fonts sociâl European Plus 2021/2027 (FSE+)
lunis 24 di Avrîl dal 2023
Scjadince pe presentazion des domandis: ai 31 di Mai dal 2023
La Regjon Friûl-Vignesie Julie e à fat bon cul decret in ogjet l'Avîs public par promovi l'acès ai servizis educatîfs pe prime infanzie de bande des fameis in cundizions di disavantaç economic e sociâl cul fin di sigurâ ai minôrs di chescj nuclis un supuart educatîf fin de prime infanzie e sostignî soluzions di conciliazion dai timps di vite e di lavôr.
Chest avîs al previôt la concession di bogns servizi par contignî i coscj di frecuence dai servizis socioeducatîfs dedicâts ae prime infanzie (nîts, servizis integratîfs e servizis sperimentâi, daûr di ce che al è regolât a nivel regjonâl de L.R. n. 20/2005).
Lis operazions pe atuazion dal Program specific n. 29/23 a son cofinanziadis dal Fonts sociâl european Plus de Regjon Autonome Friûl-Vignesie Julie.
Il sogjet beneficiari che al à facoltât di presentâ lis operazions previodudis dal Avîs regjonâl al è la ASUFC, Aziende Sanitarie Universitarie Friûl di Mieç, Ent gjestôr dai Servizis sociâi dai Comuns dal “Glemonàs, Cjanâl dal Fier-Valcjanâl”, “Culinâr” e “Cjargne”.
Par realizâ lis operazions descritis parsore la ASUFC e à stanziât chestis risorsis:
- pal Ambit Glemonàs, Cjanâl dal Fier-Valcjanâl: € 105.263,16
- pal Ambit Culinâr: € 131.578,95
- pal Ambit Cjargne: € 116.228,07
Scjadince pe presentazion des domandis: ai 31 di Mai dal 2023