Ativazion dal servizi 116117 dai 13 di Avrîl dal 2026
Ativazion dal servizi 116117 dai 13 di Avrîl dal 2026
La ASU FC e informe che dai 13 di Avrîl dal 2026 al è operatîf il 116117, che al è il Numar European Armonizât (NEA) pe ativazion di curis medichis NO URGJENTIS.
Il NEA 116117 al è un numar gratuit atîf e disponibil 7 dîs su 7, 24 oris su 24. Si pues clamâ il NEA di cualsisei telefon fis o mobil. I operadôrs che a rispuindin al numar 116117 a àn la pussibilitât di ativâ il Servizi di Continuitât Assistenziâl e i Servizis Teritoriâi par garantî la miôr rispueste a dutis lis domandis NO URGJENTIS.
La centrâl di rispueste si conet in ducj i câs ancje cu la Sale Operative Regjonâl Emergjence Sanitarie (SORES).
Servizis ativabii
Clamant il 116117 si pues:
- Ativâ Il servizi di Continuitât Assistenziâl (ex Vuardie Mediche) in chescj oraris:
tai dîs di vore des 20.00 aes 8.00 dal dì dopo, te fin di setemane des 8.00 de sabide fin aes 8.00 dal lunis e intes fiestis vie pe setemane des 8.00 de dì prefestive fin aes 8.00 dal prin dì di vore.
Il servizi si pues ativâ cuntune consulence telefoniche, visite ambulatoriâl o domiciliâr.
- Vê informazions su la rêt dai servizis teritoriâi: il servizi al è conetût cu la rêt dai servizis e al permet di ativâ percors di nature mediche e infermieristiche presints te cjase di comunitât.
- Vê informazions sui Miedis di Medisine Gjenerâl (MMG/MGI): in câs che no si rivi a contatâ il propri miedi di medisine gjenerâl o par vê informazions e orientament sui oraris dai ambulatoris.
- Vê informazions sul Socors Medic Veterinari/Cinovigjil: orientament su lis struturis di sanitât publiche veterinarie pai animâi di cjase e des ativitâts zootecnichis.
- Fâ segnalazions ambientâls: gjestion dai contats cu lis autoritâts in câs di pericul di incuinament o di materiâi pericolôs pe salût e pal ambient.
Cul lâ dal timp, il gnûf numar al darà ancjemò plui servizis.
Cuant che NO si à di clamâ il 116117
Se tu âs un probleme di salût urgjent. In chest câs CLAME il 112.
Par prenotazions: clamâ il CUP al numar 0434 223522 dal lunis al vinars 7.00-22.00; di sabide 7.00-20.00.