Assistence sanitarie pe popolazion turistiche di Tarvis: ativât il servizi di vuardie turistiche pe stagjon invernâl 2022/23
lunis 2 di Zenâr dal 2023
Dai 30 di Dicembar dal 2022 ai 3 di Març dal 2023
Il Distret di Glemone, Valcjanâl, Cjanâl dal Fier al informe che il servizi di vuardie mediche turistiche pe popolazion turistiche di Tarvis al sarà atîf dai 30 di Dicembar dal 2022 ai 3 di Març dal 2023 tal Poliambulatori di Tarvis - Vie Ludmilla Tarman, 9 (numars di telefon 0432-989813 o 0428-2931, celulâr 3383779129).
Il servizi al è atîf in chestis zornadis e cun chescj oraris:
| Dal lunis al vinars | 9.30-12.30 |
14.30-16.30 |
|
Sabide e domenie |
9.30-13.30 |
14.00-17.00 |
La ativitât ambulatoriâl (e eventuâls visitis domiciliârs) pe assistence sanitarie turistiche e sarà ativade tai ambulatoris dal miedi di continuitât assistenziâl (vuardie mediche).
Pe ativitât di assistence sanitarie turistiche la Regjon e à fissât, cun Deliberazion di Zonte Regjonâl n. 491/2005, chestis tarifis:
- € 18,00 pe prestazion ambulatoriâl;
- € 30,00 pe visite domiciliâr;
- € 10,00 pai ats medics ripetitîfs (rinovazion de recipe mediche e prestazions ambulatoriâls ciclichis: visitis medichis di control, terapiis inietivis, ciclis di medicazion, misurazions de pression).
Pal Pront intervent (cun caratar di urgjence) si à di clamâ il 112.
Il servizi di continuitât assistenziâl al sarà disponibil tal Poliambulatori di Tarvis ogni dì des 20.00 aes 8.00 e des 10.00 dal dì prefestîf aes 8.00 dal dì dopo di chel festîf.