Avîs incarghe assistence primarie Distrets Glemonàs e Cjargne

Cul fin di garantî la continuitât assistenziâl intant che si conferissin lis incarghis a timp indeterminât, si àn di dâ fûr incarghis a timp determinât daûr dal art. 37 dal ACN dai 15 di Zenâr dal 2026, pe funzion di miedi dal rûl unic di assistence primarie a cicli di sielte e rapuart orari, pai ambits teritoriâi e a tacâ de date indicade culì:

• Distret sociosanitari dal Glemonàs/Cjanâl dal Fier-Valcjanâl (ambit teritoriâl unic)
• une incarghe che e decôr cul 1ⁿ di Setembar dal 2026 e cun sede ambulatori a Dartigne
• une incarghe che e decôr cui 21 di Setembar dal 2026 e cun sede ambulatori a Osôf
• une incarghe che e decôr cul 1ⁿ di Otubar dal 2026 e cun sede ambulatori a Bordan e Trasaghis

• Distret sociosanitari de Cjargne (ambit teritoriâl unic)
• une incarghe che e decôr cui 7 di Setembar dal 2026 e cun sede ambulatori a Damâr
• une incarghe che e decôr cui 2 di Otubar dal 2026 e cun sede ambulatori a Paluce e Trep di Cjargne Liussûl

In zonte al è l'avîs complet e il modul di disponibilitât.