La aministrazion di poie: ce che e je e cuant che si pues ativâle

Joibe ai 2 di Fevrâr dal 2023 aes 18.00 si fasarà un incuintri informatîf sul teme de Aministrazion di Poie, un istitût previodût di leç par sostignî lis personis in situazion di dificoltâts leadis ae salût o ae etât.

Tal incuintri si spiegarà ce che al è l'istitût, e cemût che si pues ativâlu cuant che si pense di vênt dibisugne, par se o par un familiâr o pûr par un cognossint.

Si disarà cemût che si pues deventâ Aministradôr di Poie (AdS) par une persone fragjile e, soredut, si fevelarà dal supuart che al è ufiert dai Sportei pe AdS che a son tal teritori de Cjargne, dal Glemonàs, de Valcjanâl, dal Cjanâl dal Fier e dal Friûl des culinis.

Par partecipâ al event si à di regjistrâsi prime, scrivint a cheste direzion: utecarnia@gmail.com 

Si pues seguî l’event in dôs manieris:

• online, par mieç di chest link,
• in presince, li de sede CSV di Tumieç, Vie della Vittoria, 4;

ma DOME dopo jessisi regjistrâts, e fin al numar massim di partecipants.

L’incuintri al è promovût cu la colaborazion de Universitât de Tierce Etât - UTE Cjargne e di:

Servizi Sociâl dai Comuns dal Ambit Teritoriâl de Cjargne

Servizi Sociâl dai Comuns dal Ambit Teritoriâl dal Glemonàs e dal Cjanâl dal Fier - Valcjanâl

Servizi Sociâl dai Comuns dal Ambit Teritoriâl Culinâr

ANFFAS  Friûl de Alte

ANTEAS Regjon F-VJ ODV