Distret Agri Aquileiês (Palme): indicazions pal ambulatori di prossimitât
miercus 22 di Mai dal 2024
Pai assistûts che no àn il miedi di medisine gjenerâl
La direzion dal Distret Sociosanitari Agri Aquileiês (Palme) e informe che cui 3 di Jugn al vignarà ativât l’ambulatori di prossimitât distretuâl inte sede di vie Molin, 21 a Palme.
L’ambulatori al sarà atîf pai assistûts che no àn il miedi di medisine gjenerâl e che a son residents intal teritori di Palme, Cjopris e Viscon, Bagnarie, Trivignan.
Si pues contatâ la dotore Maria Paola Roberta Richer al numar 368464113. I oraris dal ambulatori a son chescj:
|
|
Domandis par telefon |
Visitis in ambulatori |
Visitis domiciliârs, impegnativis e recipis, domandis online |
|
Lunis |
8:00 – 9:30 |
9:30 – 12:00 |
Tal dopomisdì |
|
Martars |
8:00 – 9:30 |
15:00 – 17:30 |
La matine |
|
Miercus |
8:00 – 9:30 |
9:30 – 12:00 |
Tal dopomisdì |
|
Joibe |
8:00 – 9:30 |
15:00 – 17:30 |
La matine |
|
Vinars |
8:00 – 9:30 |
15:00 – 17:30 |
La matine |
Tal stes timp, l’ambulatori di prossimitât di Bicinins (vie Paviotti, 6) al sierarà cui 24 di Mai.
Dai 27 di Mai, il dotôr Matteo Tosolini al tacarà la sô ativitât intal ambulatori di Bicinins in vie Palmanova, 5B.
I pazients che a jerin iscrits cu la dotore Daniela Canciani fin ae date di cessazion de sô ativitât e che cumò a son cence miedi di medisine gjenerâl, a son stâts iscrits in vie automatiche cul dotôr Tosolini.