Distret sociosanitari Friûl di Mieç: ambulatori distretuâl di curis primariis di Vildivar
Cul 1n di Mai sostituzion de dot.e Pagliano cul dot. Snidero
La Direzion dal Distret sociosanitari Friûl di Mieç e informe che cul 1n di Mai la dot.e Ludovica Pagliano e fermarà la sô ativitât mediche tal Ambulatori Distretuâl di Curis Primariis che si cjate in vie Latisana, 8/1, metût a disposizion de Aziende Sanitarie dal Comun di Vildivar. Il dot. Snidero al cjaparà il so puest.
L'ambulatori Distretuâl al è dedicât a ducj i assistûts che ancjemò no àn un miedi di medisine gjenerâl dopo de cessazion dal dot. Franco Lapadula e che a son in spiete di gnovis assegnazions.
L'ambulatori al sarà atîf ta chestis zornadis e fassis orariis, par apontament:
- martars des 9.30 aes 12.30
- joibe des 14.00 aes 16.00
Par prenotâ un apontament si pues contatâ la segretarie al numar 3357991197, dal lunis al vinars des 9.00 aes 12.30.
I pazients a podaran metisi in contat diret cul dot. Snidero clamant il numar 3333705918 dal lunis al vinars des 12.00 aes 14.00.
Si podaran domandâ ricetis e/o impegnativis scrivint ae direzion di pueste eletroniche snideroricette@gmail.com.
Si racomande di indicâ cun precision te email i dâts anagrafics complets dal pazient (non/cognon, date/lûc di nassite, residence, codiç fiscâl, eventuâls esenzions, numar di telefon...), e ancje il non dal medisinâl o dal principi atîf e il dosaç in plui e je gradide in zonte la fotografie de Tessare sanitarie - Cjarte Regjonâl dai servizis e de confezion dal medisinâl.
Si ricuarde che nol è pussibil assegnâ il dot. Daniele Snidero, duncje si invidin i preseâts pazients a no presentâsi ai Sportei de Anagrafe Sanitarie par domandâ la iscrizion cun chest Professionist, par no fâju spietâ di bant.
La Anagrafe Sanitarie e reste a disposizion par cualsisedi informazion al numar di telefon 04321910165 dal lunis al vinars, des 9.00 aes 12.30.