Arlevaments ordenaris/comerciâls (no familiârs): gnove procedure di domande di regjistrazion telematiche midiant dal portâl SUAP

Si informe che a son stadis ativadis lis proceduris digjitâls, midiant dal Sportel Unic des Ativitâts Produtivis (SUAP), pes domandis di regjistrazion dai operadôrs e dai stabiliments che a fasin arlevament pal cumierç di chestis speciis o grups di speciis: bovins e bufai, ovins, cjavris, ecuins, suins, camelidis, cervidis, polam e uciei in cativitât, âfs e avons, acuiculture (pes, moluscs, crustacis), cunins e jeurs, arlevaments di cais, cavalîrs, altris invertebrâts di tiere.

A tacâ dal mês di Avrîl dal 2024, i documents che a coventin par inviâ gnûfs stabiliments o ativitâts di arlevament, o lis comunicazions di modifichis di ativitâts za in vore e regjistradis, si à di trasmetiju al SUAP dal Comun dulà che e je la ativitât jemplant il model telematic che si cjate tal portâl regjonâl dai sportei unics des ativitâts produtivis a chest link:

• Portâl regjonâl SUAP (Sportel Unic des Ativitâts Produtivis)  (il link al vierç une gnove barconete)  https://SUAP: apertura/modifica - Attività di allevamento (regione.fvg.it)

L’ufici SUAP al trasmetarà la pratiche al Servizi Veterinari de Aziende Sanitarie competente che al verificarà la coretece di ce che al è ripuartât tai documents e se a son ducj i recuisîts igjienics e sanitaris daûr de leç; dopo al regjistrarà o al inzornarà l’arlevament te Bancje dâts Nazionâl (BDN) dal sisteme I&R.

Si puedin vê plui informazions tal link de Regjon F-VJ:

•  Regjon F-VJ (il link al vierç une gnove barconete) 

https://www.regione.fvg.it/rafvg/cms/RAFVG/salute-sociale/sanita-pubblica-veterinaria/FOGLIA5/

Par informazions sui arlevaments familiârs si à di contatâ i uficis aministratîfs veterinaris a chestis direzions di pueste eletroniche:

• vete@asufc.sanita.fvg.it 
• veterinarito@asufc.sanita.fvg.it