Screening dal sen
Al segnale un tumôr tal sen in fase iniziâl e al permet di intervignî daurman e cun plui eficacie.
Stant che al è il tumôr che plui dispès si cjate intes feminis, cjatâlu fûr subit al permet di intervignî suntun numar alt di utentis.
Al è par dutis lis feminis che a àn tra i 50 e i 69 agns, fasse di etât là che il pericul di inmalâsi di tumôr tal pet al è plui grant.
Par fâ l'esam al baste presentâsi cul invît al apontament te Unitât Mobile.
Ogni doi agns e ven mandade une letare di invît a fâ il screening dal sen là che a son ripuartâts lûc, date e orari dal esam.
Tal câs là che la paziente e vueli cambiâ l’apontament, e à di telefonâ al numar segnât inte letare di invît, e fissâ la date gnove.
L'esam al permet la diagnosi precoce dai tumôrs dal pet: si trate di une radiografie dai doi sens che e permet di individuâ eventuâls lesions ancjemò prime che si manifestin segnâi clârs.
Se l'esam al è negatîf, la rispueste e rive a cjase par letare dentri di un mês.
Se l'esam al evidenzie imagjins inciertis, la segretarie dal centri screening e clame la paziente par fâ altris aciertaments.
L'esam e i eventuâi aciertaments a son ducj gratuits, e no covente la impegnative dal miedi.
Dulà e cuant
data ultima modifica: 5 di Otubar dal 2022