Screening dal cuel dal utar - pap test
L'esam al permet la diagnosi precoce dal tumôr tal cuel dal utar.
Il tumôr dal cuel dal utar si disvilupe tacant di une infezion causade dal Papilloma Virus (HPV) che al pues provocâ alterazions intes celulis dal cuel dal utar; e je une infezion une vore difondude che, in gjenerâl, e passe bessole ma che, in cualchi câs, cul lâ dal timp, e pues dâ origjin al tumôr.
Ce che si à di savê
Feminis tra i 25 e i 64 agns.
Par fâ l'esam al baste presentâsi, cul invît, al apontament.
Ce fâ
Ogni trê agns e rive une letare che e invide a fâ il pap test.
La letare di invît e indiche il lûc, la date e l’orari dal esam.
Tal câs che la paziente e vueli cambiâ l’apontament, e à di telefonâ al numar segnât inte letare di invît, e fissâ la date gnove.
Par fâ l'esam al baste presentâsi, cul invît, al apontament.
Une ostetriche e preleve un campion di celulis dal cuel dal utar de paziente cuntune spatule o cuntun piçul tampon.
Al è un esam indolôr che al permet di osservâ al microscopi eventuâls alterazions des celulis dal cuel dal utar provocadis dal HPV.
Se il risultât dal esam al è negatîf e nol evidenzie problemis, la rispueste e rive a cjase dentri di pocjis setemanis.
Se il risultât dal esam al è positîf e al rileve alterazions celulârs, la paziente e vignarà clamade par ripeti l'esam o par fâ altris aciertaments.
L'esam e i eventuâi aciertaments a son gratuits, e no covente la impegnative dal miedi.