Iscrizion al SSN e tessare sanitarie
Ce che e je
La tessare sanitarie e je un document personâl, che al certifiche la iscrizion al Servizi Sanitari Statâl, e che al à dentri une serie di informazions sul titulâr.
La Agjenzie des Jentradis e je l'unic Ent responsabil pe produzion e pe spedizion de CRS.
La consegne a domicili de CRS e je fate de Agjenzie des Jentradis midiant dal Ent Pueste.
Tal câs che no vegni consegnade la CRS, si pues domandâle ai uficis de anagrafe sanitarie dal propri distret sanitari, compilant il modul di pueste.
Cemût domandâ il duplicât
Tal câs di pierdite, robarie e deteriorament de CRS si pues domandâ un duplicât tai ponts di erogazion dai servizis e tai uficis de anagrafe sanitarie dal propri distret sanitari, dopo vê compilât il modul di pueste.
Cemût regjistrâ lis esenzions
A vuê, lis regjistrazions su lis eventuâls esenzions dal ticket no son ripuartadis inte CRS.
Lis regjistrazions di esenzion dal ticket a son dadis fûr suntun supuart di cjarte, clamât "Zonte cartacie ae Tessare Sanitarie", dai uficis de anagrafe sanitarie dal distret sanitari, e si à di conservâlu adun cu la CRS.
La Zonte cartacie ae Tessare Sanitarie si domande al sportel de anagrafe sanitarie dal propri distret sanitari o tai uficis de anagrafe dai comuns abilitâts, presentant:
- un document di identitât
- il codiç fiscâl
- la eventuâl tessare sanitarie di cjarte precedente