Assistence in gravidance
La struture di riferiment pe ufierte complete e je il Distret Sanitari di apartignince, midiant de articolazion Aree Materne Infantîl e de etât evolutive e disabilitât, e il so Consultori. Chescj a son i contats:
- Distret Sanitari di Udin, vie San Valentino 20, tel. 0432 553617
- Distret Sanitari di Cividât, vie Carraria 29, tel. 0432 1796318
- Distret Sanitari di Tarcint, vie Dei Carpini 3, Tresesin, tel. 0432 851614
Il Consultori familiâr al è une articolazion operative distretuâl a tutele de salût fisiche, psichiche e sociâl de femine, de cubie, de famee, dai minôrs e dai adolessents.
Il model istituzionâl e organizatîf dai servizis di Consultori si caraterize pe multidissiplinaritât dal grup di lavôr e pe integrazion tra ativitâts sanitariis e psicosociâls.
Intal Consultori familiâr e lavore une équipe formade di diviersis figuris professionâls:
- gjinecolic
- ostetriche
- assistente sanitarie
- pediatri
- psicolic
- assistent sociâl
Ativitâts dal servizi dedicadis in particolâr ae femine in gravidance:
- consulence psicologjiche e sociâl al singul, ae cubie e ae famee
- consulence specialistiche ambulatoriâl ostetriche e gjinecologjiche
- assistence ae gravidance (cors prepart e postpart) e al puerperi (cors di massaç al frut)
- cors prepart
- ambulatori puerperi
- cors di massaç al frut
- valutazion e poie des capacitâts gjenitoriâls
Cors di acompagnament ae nassite
SEDE: Consultori Familiâr, vie San Valentino 20, 3rç plan - 33100 Udin
ORARI: Par informazions: dal lunis al vinars des 8:30 aes 13:00
TELEFON: 0432.553617 – 0432.553840
De setemane 30-32 di gravidance, si pues partecipâ ai cors prepart che a previodin 6 incuintris di grup pes futuris mamis; a chei si zontin incuintris ancje in cubie.
In chescj cors si dan informazions su la gravidance, sul travai, sul part, sul latament e su la cure dal frut, e si fasin ativitâts di moviment, di rilassament e di respirazion.
I cors a son gratuits e ju tegnin lis ostetrichis intal CAP (Centri di Assistence Primarie) di Puçui, te frazion di Çuian, in vie Nuova 1, e in chel di Felet in Place Libertà 23.
Par cognossi lis datis dai cors e par altris informazions, si pues fâ riferiment al Consultori familiâr di Udin.
Ambulatori dal puerperi
SEDE Consultori familiâr: vie San Valentino 20, 3rç plan - 33100 Udin
ORARI: lunis e joibe des 9:00 aes 12:00
TELEFON: 0432.553617
Destinât a dutis lis neomamis cun fruts di 0 a 40 dîs pe poie al latament, pe gjestion dal neonât, pe valutazion dal perineu e par informazions su la contracezion.
L'ambulatori gratuit al è gjestît des ostetrichis e si cjate li dal Consultori, al 3rç plan, distret sanitari di Udin, in vie San Valentino, 18.