Tipologjiis di ricovar
Ricovar urgjent
Al ven stabilît dai miedis dal Prin Socors che a valutin la necessitât dal ricovar su la fonde dal cuadri clinic e dai esams fats.
L'acès al Prin Socors al pues jessi
- diret, ancje cence la prescrizion dal miedi;
- cun clamade al 112.
Ricovar programât
Al è un ricovar no urgjent che il specialist o il miedi di medisine gjenerâl a puedin proponi, dut câs la domande e je validade dal miedi dal ospedâl. I timps e lis modalitâts dal ricovar a son concuardadis tra la struture e l'interessât.
Day hospital e Day surgery
E je une degjence diurne programade intal servizi par une o plui zornadis. Si acêt midiant di une propueste dai miedis dal servizi o daûr di une propueste dal miedi responsabil.
Osservazion temporanie
Il pazient al è tignût in osservazion par un timp ancje lunc, che al covente par verificâ la evoluzion dal so stât di salût. Il timp di osservazion al è mancul di 24 oris e nol è considerât ricovar.