Celulis staminâls - medole dai vues

A son malatiis tant che lis leucemiis, i linfomis, lis talassemiis e cualchi tumôr solit, o patologjiis autoimunis, che si puedin vuarî dome cuntun traplant di celulis staminâls emopoietichis dadis di un donadôr san e compatibil cul pazient. Magari cussì no, la compatibilitât gjenetiche tra parincj di sanc e je dome di 1 a 100.000. Par chest al è impuartant che plui personis pussibil si notin intal regjistri IBMDR (Italian Bone Marrow Donor Registry) dulà che si cîr il donadôr compatibil.

Al è un gjest di grande solidarietât che al pues pardabon valê une vite!

Ce fâ

Se tu âs tra i 18 e i 35 agns, buine salût, e il to pês al passe i 50 chilos, tu puedis notâti intal regjistri IBMDR. Ti gjavaran un piçul campion di sanc o di salive, che al covente par vê i tiei dâts gjenetics. Tu varâs di compilâ un cuistionari anamnestic, fâ un colocui cuntun sanitari par valutâ il to bon stât di salût e par firmâ un consens informât.

Une volte iscrit, i tiei dâts a saran tignûts fin ai tiei 55 agns di etât; tu sarâs a disposizion par une eventuâl donazion efetive di celulis staminâls emopoietichis par un pazient in spiete di traplant.