Assistence ai migrants

Dirit di acès e iscrizion al Servizi Sanitari Nazionâl

Cui che al à dirit di acedi al Sisteme Sanitari Nazionâl:

• i citadins forescj comunitaris che a vegnin dai stâts membris de Union Europeane
• i citadins convenzionâts che a vegnin di Stâts li che a son stâts fats acuardis bilaterâi
• i citadins forescj extracomunitaris di Stâts diviers di chei segnâts parsore, e i apolits.

Anagrafe Migrants e Assistence Internazionâl

L'ufici anagrafe migrants e assistence internazionâl al garantìs chestis prestazions:

• iscrizion al Servizi Sanitari Nazionâl e consegne de tessare sanitarie;
• sielte e revoche dal Miedi di Medisine Gjenerâl e dal Pediatri di Libare Sielte;
• assistence sanitarie di prin nivel tal forest;
• regjistrazions esenzions ticket (par patologjie, invaliditât);
• ativazion CRS (Cjarte Regjonâl dai Servizis).

Ativitât ambulatoriâl pai forescj

Ducj i forescj iscrits tal Sisteme Sanitari Nazionâl (che duncje a àn la tessare sanitarie e un Miedi di medisine gjenerâl) a puedin acedi ai servizis aziendâi daûr des modalitâts previodudis de normative statâl e regjonâl.

I forescj o i talians che, par diviers motîfs, no àn la pussibilitât di notâsi intal S.S.N. (par vie che a son cence permès di permanence valit, cence domicili, e vie indenant), e che duncje no àn un Miedi di Medisine Gjenerâl (Miedi di Famee), a puedin indreçâsi al servizi di Medisine Sociâl che, tal rispiet des normis in vore, al garantirà l'acès aes curis.

Il stes servizi al pues erogâ il codiç S.T.P. (Stranieri temporaneamente presenti o ben forescj che a son presints in maniere temporanie) tal câs che al coventi.