Acès aes prestazions - in permanence temporanie
Citadins de Union Europeane o de Norvegje, Islande, Lichtenstein e Svuizare, in permanence temporanie in Italie
Par otignî lis prestazions sanitariis si à di presentâ un document di identitât e la Tessare Europeane di Assicurazion Malatie (TEAM), o il certificât sostitutîf, valits te date de prestazion, che a dan dirit aes curis urgjentis e necessariis dal pont di viste medic, daûr dal judizi dal miedi, e ai dirits di esenzion dal paiament dal ticket, a paritât di cundizions economichis cul citadin talian.
Dutis chês altris prestazions sanitariis a son a caric dal interessât.
In struc:
| Prestazions | Pront socors urgjent | Pront socors no urgjent | Prestazions ambulatoriâls |
Ricovar urgjent o necessari dal pont di viste medic |
Ricovar no urgjent o no necessari dal pont di viste medic |
| Paiament | Paiament a caric de casse foreste | A caric dal interessât | Ticket sanitari | A caric de casse foreste | A caric dal interessât |
N.B.: Vê une TEAM AOK/Hamburg, AOK/Rheinland o TK al da dirit ancje aes curis no urgjentis.
Vê une TEAM de Belgjiche cu la scrite E111-B al da dirit dome ai ricovars ospedalîrs.
Avertencis:
-
Se no si à la TEAM (o il certificât sostitutîf), il paiament des prestazions sanitariis al è a caric dal interessât che al podarà domandâ il rimbors al Servizi Sanitari daûr des regulis dal Paîs di apartignince.
-
Se si è in Italie par ricevi prestazions sanitariis programadis, al covente presentât il model E112, o ben la autorizazion de Casse Malatie Foreste.
-
Se si à dome la TEAM, il paiament des prestazions sanitariis al è a caric dal interessât.
-
I citadins de U.E., dal S.E.E. e de Svuizare residents in Italie a àn di notâsi tal Sisteme Sanitari Nazionâl talian.
Citadins che a son in Italie in permanence temporanie e che a vegnin di un Stât che al à stipulât cu la Italie une Convenzion/Acuardi bilaterâl (Argjentine, Australie, Bosgne Erzegovine, Brasîl, Cap Vert, Citât dal Vatican, Cravuazie, Macedonie, Montenegro, Principât di Monaco, Republiche di San Marin, Serbie, Tunisie)
Par otignî lis prestazions sanitariis si à di presentâ un document di identitât e il modul dât fûr dal Stât di divignince, valit te date de prestazion, che al da dirit aes prestazions urgjentis (daûr dal judizi dal miedi).
Dutis chês altris prestazions sanitariis a son a caric dal interessât.
N.B.: Stant che lis Convenzions a son diviersis fra Stât e Stât, si consee di domandâ informazions ai uficis competents.
Avertencis: Se al mancje il modul dât fûr dal Stât di divignince, il paiament des prestazions sanitariis furnidis al è a caric dal interessât che al podarà domandâ il rimbors al Servizi Sanitari daûr des regulis dal Paîs di apartignince.