Acès aes prestazions - citadins extracomunitaris regolârs e iregolârs
Citadins Extra comunitaris, presints in maniere regolâr tal teritori talian
Permès di permanence par lavôr, motîfs familiârs, asîl, domande di asîl, spiete di adozion, afidament, acuisizion de citadinance taliane, de domande di concession o di rinovament li de Cuesture
Iscrizion al Servizi Sanitari Nazionâl talian (S.S.N). Il Distret Sanitari di competence, su la fonde de sede de abitazion abituâl, al furnirà une tessare sanitarie cun scjadince limitade.
Par otignî lis prestazions sanitariis si à di presentâ, insiemi cuntun document di identitât, la tessare sanitarie valide te date de prestazion, che e da dirit al acès aes prestazions sanitariis a paritât di cundizions cul citadin talian.
Avertence:
Se e mancje la tessare sanitarie, o se e je scjadude, la regolarizazion de posizion assistenziâl si fâs tal Distret Sanitari.
La mancjance di regolaritât de iscrizion e compuarte il paiament des prestazions sanitariis furnidis.
Permès di permanence di plui di trê mês, o pûr altris specifics diviers di chei che a dan dirit ae iscrizion obligatorie
Si pues usufruî de iscrizion volontarie al S. S. N., indreçantsi al Distret Sanitari di competence e paiant une cuote anuâl. Si ricevarà une tessare sanitarie che e sarà valide de date dal paiament fin ae fin dal an solâr.
N.B.: Esemplis di permès valits pe iscrizion volontarie: residence eletive, personâl religjôs e afârs. I permès di persone a pâr e chei di studi a dan dirit ae iscrizion volontarie ancje se a durin mancul di trê mês. Par verificâ i dirits previodûts dal propri permès si à di fâ riferiment al Distret Sanitari di competence.
Par otignî lis prestazions sanitariis si à di presentâ, insiemi cuntun document di identitât, la tessare sanitarie valide te date de prestazion, che e da il dirit al acès aes prestazions sanitariis a paritât di cundizions cul citadin talian.
Avertence: se e mancje la tessare sanitarie, o se e je scjadude, si àn di paiâ lis prestazions sanitariis furnidis.
Permès di permanence par studi cun polize assicurative Ina Assitalia
A son siguradis lis prestazions urgjentis presentant:
- passepuart,
- paiament ae Ina Assitalia,
- permès di permanence par studi,
- certificât universitari,
- autorizazion al tratament dai dâts personâi (pe lôr trasmission ae Ina Assitalia), sul modul di pueste.
Dutis chês altris prestazions sanitariis a son a caric dal interessât.
N.B: il permès di permanence par studi al da dirit ae iscrizion volontarie al S. S. N. (viôt parsore).
Permès di permanence par turisim
Al da dirit aes prestazions sanitariis urgjentis paiant, ae dimission, lis tarifis colegadis, e aes prestazions sanitariis programadis dopo vê paiât, tal moment de acetazion, lis tarifis previodudis.
N.B.: ancje in presince di une polize assicurative privade si domande il paiament diret des prestazions sanitariis furnidis. Al sarà l’interessât che al varà cure di presentâ la domande di rimbors ae compagnie di assicurazion.
Permès di permanence par curis medichis
Par otignî lis prestazions sanitariis concuardadis cul personâl medic, al covente il vistât di jentrade par curis medichis dât fûr dal Consolât talian dal Paîs di apartignince.
Pal paiament des tarifis previodudis si à di anticipâ un acont e licuidâ dut ae dimission.
N.B: il permès di permanence par curis medichis al pues jessi rinovât daûr de propueste de struture sanitarie.
Citadins extracomunitaris, presints in maniere iregolâr tal teritori talian
Si pues domandâ la tessare S.T.P. (Stranieri temporaneamente presenti, o ben forescj presints in maniere temporanie) al prin acès a prestazions intune struture sanitarie, declarant:
- lis gjeneralitâts (che no saran ripuartadis su la tessare);
- la mancjance di risorsis economichis suficientis (declarazion di puaretât);
- di jessi presint in maniere iregolâr tal teritori talian.
Par vê lis prestazions sanitariis si à di presentâ la tessare S.T.P. (Stranieri temporaneamente presenti) che e da dirit:
-
aes curis ambulatoriâls e ospedalieris urgjentis, o dut câs essenziâls e continuativis, stabilidis di un miedi, cjapâts dentri i dirits di esenzion dal paiament dal ticket, a paritât di cundizions economichis cui citadins talians;
-
aes curis ambulatoriâls e ospedalieris, urgjentis e ordenariis in cont di:
-
- tutele de gravidance,
- tutele de salût dal minôr,
- intervents di profilassi internazionâl (vacinis obligatoriis, profilassi, diagnosi e cure des malatiis infetivis e eventuâl bonifiche dai lôr fûcs).
Dutis chês altris prestazions sanitariis che a son a caric dal interessât.
Se no son lis cundizions di puaretât, si pues domandâ la tessare S.T.P. che e permet l'acès aes prestazions sanitariis a paiament.