La vacine bivalente anti-Covid
miercus 28 di Setembar dal 2022
Si da il vie aes soministrazions
Dai 12 di Setembar aes 12.00 si pues prenotâ la vacinazion di riclam, cun vacine a mRNA bivalente, par chestis categoriis di citadins, baste che al sedi passât un interval minim di almancul 120 dîs de prime dose di riclam o dal cicli primari, o de ultime infezion (date de prove diagnostiche positive):
- seconde dose di riclam: citadins cun plui di 60 agns (nassûts intal 1962 o prime); sogjets vulnerabii a partî dai 12 agns, che a vedin une patologjie che e je te liste zontade; operadôrs sanitaris, operadôrs e ospits des struturis residenziâls par anzians e feminis in gravidance.
- prime dose di riclam: citadins cun plui di 12 agns, che a sedin ancjemò in spiete di ricevi il prin riclam, cence tignî cont de vacine doprade pal completament dal cicli primari.
I citadins a podaran prenotâ la vacine cui mieçs solits (call center, CUP, webapp, farmaciis). I citadins fragjii tra i 12 e i 59 agns (o pûr i lôr gjenitôrs/tutôrs) a varan di scrivi il modul che al segne la patologjie che a àn e puartâlu cun se tal centri di vacinazion. Pai operadôrs sanitaris dal SSR che a vuelin sometisi al riclam, stant che la vacine e sarà disponibile ancje par lôr intai centris di vacinazion, al vignarà istituît in plui un percors agjevolât cu la pussibilitât de dople soministrazion (anti COVID-19 e la antiinfluençâl) intes sedis aziendâls, cuant che la vacine antiinfluençâl e sarà disponibile.
I operadôrs sanitaris* e i operadôrs des struturis residenziâls** a varan di scrivi la declarazion sostitutive di certificazion e di at notori zontade.
Cence tignî cont de vacine doprade pal cicli primari e pal prin riclam, calcolant lis indicazions dadis de comission tecniche sientifiche di AIFA, al sarà pussibil doprâ tant che dose “booster” une cualsisedi des dôs vacinis bivalentis m-RNA autorizadis in Italie.
* operadôr dal servizi sanitari, che al fâs une profession sanitarie, operadôr che al davuelç ativitâts intes struturis sanitariis, sociosanitariis e socioassistenziâls, publichis e privadis, intes farmaciis, parafarmaciis e intai studis professionâi.
** operadôrs che a cualsisedi titul a davuelzin ativitâts intune residence par anzians.