Lûcs di lavôr che a promovin la salût: rêt WHP F-VJ
miercus 5 di Otubar dal 2022
13 di Otubar, Auditorium de Regjon
Il Workplace Health Promotion al è un program racomandât de OMS par sostignî la promozion de salût intai ambients di lavôr: al vûl presidiâ in maniere specifiche la prevenzion dai fatôrs di pericul di chei compuartaments che a son cause di malatiis cronichis e degjenerativis, e promovi un invecjament atîf in buine salût, cun cambiaments organizatîfs che a incoragjin e che a facilitin la adozion di stîi di vite sans.
Il Program, doprant la jeve de Responsabilitât Sociâl di Imprese, al previôt il coinvolziment di “Datôrs di lavôr” inte ativazion di procès e di intervents par rindi il lûc di vore un ambient “bon pe salût”, midiant di cambiaments organizatîfs e ambientâi, e tal stes timp cu la incressite des competencis e de cussience intai lavoradôrs.