Lucio Bonometto gnûf Diretôr de Ortopedie e Traumatologjie dal Ospedâl di Udin
miercus 28 di Setembar dal 2022
L’Ospedâl di Udin al à un gnûf Diretôr de Struture Complesse di Ortopedie e Traumatologjie: la Direzion de ASUFC e à dade la incarghe al dot. Lucio Bonometto, che al à cjapât servizi al 1n di Setembar dal 2022.
Al à 47 agns, laureât te Universitât di Padue, si è specializât te Universitât di Verone, dal 2009 al lavore te ULSS 3 “Serenissima” (Mestre) e tai ultins agns al à vude la incarghe di responsabil dal Pront Socors Ortopedic dal ospedâl dell’Angelo di Mestre.
Specializât in chirurgjie dal bacin e chirurgjie ricostrutive, al svante plui di 1200 intervents tant che prin operadôr cun rivuart particolâr ae chirurgjie dai ombui, de traumatologjie dal bacin, des pierditis di sostance dai vues e des pseudoartrosis.
Il dot. Lattuada, diretôr medic dal Ospedâl di Udin: “O din il benvignût al dot. Bonometto: al puarte cun se une casistiche di rilêf par ce che al inten la traumatologjie e cheste esperience e sarà dal sigûr fondamentâl pe scuadre de Struture par rinfuarcî lis sôs competencis e dâ plui rispuestis ai traumis che, magari cussì no, a son in cressite costante”.
Il dot. Petri, diretôr dal Dipartiment Chirurgjic: “O confermi la ricognossince pal dot. G. Giglio e par dut il grup che lui al à coordenât in maniere provisorie di mût di mantignî in chescj agns un servizi indispensabil pe comunitât furlane; o soi sigûr che l’inseriment dal gnûf primari al judarà a fâ deventâ la struture di Ortopedie e Traumatologjie di Udin ancjemò plui solide”.
Il dot. Caporale, Diretôr Gjenerâl: “Une altre tessare fondamentâl che si zonte a chês za meudis jù te opare impuartante di riorganizazion che ASUFC e je daûr a puartâ indevant sedi tal Ospedâl di ecelence dal Santa Maria della Misericordia sedi tai Ospedâi periferics sul teritori aziendâl”.
La incarghe de Direzion Aziendâl e dure cinc agns.