Scree dal cors di formazion complementâr in assistence sanitarie OSS-C

Lunis ai 17 di Otubar aes 9.30 inte sale dal Dipartiment di Prevenzion de Aziende sanitarie universitarie Friûl Centrâl - ASUFC di vie Chiusaforte, 2 a Udin, cu la presince dal Assessôr Vice President de Regjon Friûl-Vignesie Julie e dal Diretôr Gjenerâl di ASUFC Dotôr Denis Caporale, e sarà la cerimonie di viertidure dal cors par Operadôrs Sociosanitaris OSS-C.

Un event spietât massime de Direzion Centrâl Salût politichis sociâls e disabilitât (DCS), Servizi programazion sociâl e integrazion de assistence sociosanitarie e dal Servizi Politichis tierç setôr, ma ancje dai arlêfs e des aziendis sanitariis che dopo di une lungje polse a gjestissin in maniere direte la formazion complementâr dai OSS.

La DCS e à evidenziât la dibisugne di invistî inte formazion complementâr de figure dal Operadôr Sociosanitari ativant i percors gjestîts in maniere direte des Aziendis dal Sisteme Sanitari Regjonâl. La Regjon duncje e à individuât ASUFC tant che Ent gjestôr e Ent atuadôr.

ASUFC e à individuât il Servizi “Formazion e Valorizazion dal personâl”, tant che struture che e à di sigurâ la progjetazion, la conduzion des ativitâts formativis e e à identificât e metût a disposizion, tant che sede dal percors, une sale dedicade sedi aes ativitâts didatichis che aes simulazions pratichis.  La sale e à un spazi pes lezions teorichis e un pes postazions di simulation lab cun sussidis e materiâi didatics pes esperiencis di ativitâts pratichis leadis aes operativitâts specifichis. Cheste e je une aule inovative pe formazion dai futûrs OSS-C, là che a son furniments e struments in stât di fâ sperimentâ ai students un “training realistic” des competencis complementârs che a varan di disvilupâ.

L’OSS-C al è la figure professionâl che e fâs ativitât intal setôr sanitari e sociâl che, di là di fâ e di assorbî dutis lis ativitâts dal Operadôr Sociosanitari, al jude l'infermîr intes ativitâts assistenziâls su la fonde de organizazion là che al lavore e daûr des indicazions che i vegnin dadis dal personâl infermieristic stes. Intal specific l’OSS-C al è une figure di supuart che e je rivade a vê competencis par soministrâ, par vie naturâl, la terapie prescrite e par fâ la terapie intramuscolâr e sotcutanie daûr de planificazion infermieristiche.

Il Diretôr gjenerâl al fevelarà de valence strategjiche de formazion dai OSS-C pes Aziendis sanitariis, la dotoresse Marina Barbo, Responsabile de Formazion e de Valorizazion dal Personâl, e presentarà il Cors pe didatiche interative e la formazion on the job e la diretore dal Cors, la dotoresse Stefania Zuliani e spiegarà la metodologjie e il strument dal progjet di orientament.

Informazions: Formazion e Valorizazion dal personâl

Tel 0432/554330; 0432/554336 – mail formazione@asufc.sanita.fvg.it