Control dai foncs pal autoconsum

Dai 26 di Setembar ai 14 di Novembar dal 2022 al sarà di gnûf atîf pai utents il servizi di control dai foncs pal autoconsum, organizât dal Ispetorât micologjic de Aziende Sanitarie Universitarie dal Friûl Centrâl.

In gracie de colaborazion cu la direzion di Udine Mercati, ancje chest an il servizi al sarà atîf ducj i lunis des 8.30 aes 10.30 a buinore te jentrade principâl dal Marcjât des Pomis e des Verduris di Udin, tal plaçâl dell’Agricoltura 16. Ta chei altris dîs de setemane il servizi al è atîf daûr prenotazion.

Il control al è gratis e si racomande une vore i citadins di contatâ il personâl dal Ispetorât prime di mangjâ i foncs.

“Al è impuartant lavâ plui voltis i foncs cun aghe e fâju cuei a dilunc, se nol è scrit di fâ diferent: par solit no si à di mangjâju crûts o pôc cuets. Stant che a son dificii di digjerî, al è racomandât di mangjânt piçulis cuantitâts, e si à di visâsi simpri che il judizi di comestibilitât che si cjate sui libris nol è simpri afidabil" al rimarche il dot. Aldo Savoia, Diretôr dal Servizi di igjiene dai aliments e de nutrizion, e al zonte che “si sugjerìs ai apassionâts seneôs di imparâ a cognossi speciis gnovis, di cjapânt sù pôcs esemplârs – sans e intîrs – e di puartâju a controlâ, separâts di chei che par sigûr a son comestibii, par vê une conferme”.

Informazions ai numars:

Udin

0432 553221

0432 553945

0432 553218

0432 553219

335 7991180

Glemone

0432 989500

0432 989526

349 2805524

Palme

0432 921886

335 6978848